Vaishnavi Maliekkal

Vaishnavi Maliekkal
1 POSTS0 COMMENTS
കാക്കനാട് മാളിയേക്കൽ വീട്ടിൽ ടി. കെ. പ്രേംവത്സന്റെയും ഉഷാകുമാരിയുടെയും ഏക മകളായി 1995 ജൂൺ 8 ന് എം.പി.വൈഷ്ണവി ജനിച്ചു. സെന്റ് തെരേസാസ് സി. ജി. എച്ച്.എസ്.എസ്സിൽ നിന്ന് ഹൈസ്കൂൾ വിദ്യാഭ്യാസം പൂർത്തിയാക്കിയതിനു ശേഷം, ചിന്മയ കോളേജ് ഓഫ് ആർട്സ്, കോമേഴ്‌സ് ആൻഡ് സയൻസിൽ നിന്ന് എം. കോം ബിരുദം നേടി.
എഴുത്തിനോടും വായനയോടുമുള്ള ഇഷ്ടം മാധ്യമപ്രവർത്തനത്തിലേക്കു വഴി തിരിച്ചു. ഇപ്പോൾ കേരള മീഡിയ അക്കാദമിയിൽ ജേർണലിസം ആൻഡ് കമ്മ്യൂണിക്കേഷൻ വിദ്യാർത്ഥിനി.

പ്രണയമാണ് മഴയോട്

രാവിന്‍ മാറില്‍ ചാഞ്ഞുറങ്ങും നേരം മഴയായി നീ പെയ്തിറങ്ങിയ നാള്‍ പാതിമയക്കത്തില്‍ നിന്‍ മൃദുസ്പര്‍ശനമറിഞ്ഞു ഞാന്‍. പാതിയടഞ്ഞോരെന്‍ മിഴികളിലൂടെ നിന്നെ ഞാനറിഞ്ഞ നേരം മണ്ണിനോടലിഞ്ഞ നിന്‍ പൂമണം വീണ്ടും തേടി നടപ്പൂ ഞാന്‍. നറുപുഷ്പമായി പൂമാരിയായി തേന്‍ നിലാവായി നീ പെയ്തിടുമ്പോള്‍ തണലായി നിന്‍ നിഴലായി പിന്തുടരാന്‍ കൊതിപ്പൂ ഞാന്‍. മഴ തോര്‍ന്നീടുന്നൊരു നേരം ഏകാകിയായി നടന്നകലും മാത്രയില്‍ എന്നിലെ നിഴലിതാ തിരയുന്നു നീ ബാക്കിവെച്ചോരാ സാന്നിദ്ധ്യം. ഇന്നുമീ വൈകിയ വേളയില്‍ കത്തും കനലിന്നോടെന്ന പോലെ നിന്‍ നിഴലിനോടടുക്കൊന്നൊരാ ശുഭദിനം സ്മരിപ്പൂ ഞാന്‍!