Prinsha Sahadevan

നീ നടക്കുന്ന വഴികളിലെ നിന്റെ നിഴൽ ചവിട്ടി ആളുകൾ അവരവരുടെ തിരക്കുകളിലേക്ക് പായുന്നു. നിന്നെ അറിയാത്ത നീ അറിയാത്ത നഗര മധ്യത്തിൽ നീ ഒറ്റയ്ക്ക് നീ ആരാണ്? നിന്റെ മുഖം കാണുവാൻ ആഴങ്ങളിലേക്ക് സൂക്ഷിച്ചു നോക്കി, കാറും കോളുംമില്ലാതിരിന്നിട്ടും ആ സുതാര്യതയിൽ നീ പ്രതിബിംബിക്കപ്പെട്ടില്ല നിനക്ക് നിന്നെ കാണാനായില്ല... നീ ആരാണ്? നിന്റ മുഖം വികൃതമാണ്. ഒടുവിൽ നീ തിരിച്ചറിഞ്ഞു നിന്നെ.... ചാവാലി പട്ടികൾക്കൊപ്പം തെരുവ് പങ്കിടുന്ന മനുഷ്യക്കോലമാണ് നീ.......

പിന്നിൽ അഗാധമായ കയം. മുകളിലോ പാറകെട്ടുകൾ നിറഞ്ഞ ഭീകരമായ കൊടുമുടി. കുപ്പിച്ചില്ലുകളും കള്ളിമുള്ളുകളും നിറഞ്ഞ ചരൽപാതയിൽ ചവിട്ടി അയാൾ നടന്നു വരികയായിരുന്നു. പെട്ടെന്ന് ഭീതിപ്പെടുത്തും വിധം ഒരു നിലവിളി കേട്ടു. നോക്കുമ്പോൾ ഒരു തീരൂപം റോഡിലൂടെ പാഞ്ഞു വരുന്നു. ഭൂതമാണെന്ന് വിചാരിച്ച് ആദ്യം അയാൾ പേടിച്ചരണ്ടു. നീണ്ട വടിയെടുത്തു നിലത്തടിച്ച് ധൈര്യം സംഭരിക്കാൻ അയാൾ ശ്രമിച്ചു. ആ തീഗോളം അലറി വിളിച്ചുകൊണ്ട് അയാളുടെ അടുത്തേക്ക് പാഞ്ഞു വന്നു. "എന്നെ രക്ഷിക്കു......